【婚禮花球攻略】從身型/禮服配襯花球|最新花球推介:身材嬌小千祈唔好揀…

分類: 
婚禮籌備
2018年10月19日 17:59:54

那個女孩不愛花?由追求到拍拖到婚禮,我諗「花」呢個角色都佔女生心入面一大位置。

喺婚禮上,平均計算,新人都會用上大約三個花球,一個用嚟出門,一個用嚟證婚,一個用嚟拋。但事實究竟幾多個先夠呢?呢邊又話鮮花靚?另一邊又話絲花方便唔使煩,而市面上仲有乾花、保鮮花,應該點揀?唔使騰,NO PROBLEM!姊姊們! 一齊進入簡單版花花世界啦!

籌備婚禮,一開始應該要計劃究竟你想要幾多個花球!如果你有預算,當然可以每個環節都有一個專用花球,但普遍新人都會「一花幾用」,所以花嘅數量絕對取決你用鮮花定絲花!而我自己當日就用左兩個花球,一個鮮花,一個絲花。

 

鮮花 vs 絲花

好多準新娘都會喜歡用鮮花,貪佢夠新鮮,望上去視覺比較靚。但記得留意番鮮花相對要保養、照料嘅時間亦都特別多!如果喜歡鮮花嘅你地,記得請花藝師預早比定鮮花營養液,適時提供鮮花所需嘅水份同養分,婚前一晚亦可以將花放入雪櫃保鮮。而喺 Big day 當日,最好搵一位姊妹全程照顧鮮花,唔需要拎住嘅時候就將佢浸番落水度。千祈唔好放近生果附近!因為生果係鮮花嘅「催熟劑」,想 Keep 得更耐就要好好照顧喇!遠離生果!

 

如果當日新人們rundown 比較趕,冇時間照顧花球嘅話,咁絲花絕對係你嘅好選擇!其實而家好多絲花像真度都非常高,而且花材嘅選擇更加可以超出鮮花嘅「季節限定」,價錢更加親民,新娘子就可以將自己心儀嘅花種請花藝師好好咁呈現出嚟。

 

乾花 vs 保鮮花

近年大興韓風,自然風,所以乾花市場亦應運而生,不少新人喺 Pre wedding 都會用乾花做配襯。若果打算喺 Big day 用乾花做花球,一定要留意乾花嘅特性。因為乾花係將花完全風乾,所以顏色上會啡啡黃黃,亦比較脆弱,大力少少一撳都會”易裂”,所以保存上比鮮花要更為細心。另外亦要留意長輩,特別係四大長老接唔接受到乾花嘅顏色。

幾年前已經聽到保鮮花 / 永生花,或者永不凋謝的鲜花嘅名,見佢地永遠都比個玻璃罩罩住好似不可觸及咁,因為佢地其實真係真花嚟㗎!經過脱水、脱色,跟住烘干、染色等等嘅工序加工而成的花,佢望落喺色澤、形狀、手感上幾乎同鮮花一樣,保存期至少2至3年,所以就叫永生花。不過,由於工序複雜,造價亦比較貴,暫時都未太多新人會選擇嚟做花球,但亦有唔少人會用男朋友求婚送嘅花,拎一支去做永生花嚟紀念呢!

 

揀好花嘅形態後,下一步就係選擇形狀。大家普遍認知,花球以圓形居多,但其實花球嘅形狀都有好多!要知乜嘢花球先係自己The one?新娘的身高、身型絕對係關鍵!

 

1. 圓形花球

經典簡單,結實嘅花束易於保持花球形狀不變,而喺拍攝果陣亦唔使特別遷就花球嘅角度,較適合身型嬌小嘅新娘子。

 

2. 水滴形

外形相對比較歐美。花球嘅拖尾會優美咁慢慢跟住新娘子嘅步伐而喺空中飄揚,古典又高貴!不過拖尾花球形狀較大,適合身型較豐滿的新娘子,令別人看上去感覺較瘦削。但要留意返,拖美嘅花球體積同長度都比其他花球為大,所以身型瘦D同細細粒嘅新娘子就盡量避免選擇呢個款式,或者要同花藝師傾傾,乜嘢嘅長度最適合自己!

 

3. 彎長形花球

所謂彎長形,就係新娘子曲起隻手,輕輕抱住花球嘅姿勢。呢款喺香港相對少見,佢嘅特點就係花球以纖長嘅花莖配合枝葉設計而成,尾部直接露出花莖,跟住用絲帶綁成蝴蝶結。簡單嘅線條美帶出一種時尚感,較適合身型高挑嘅新娘子。

 

4. 小型花球

佢嘅特色就係花嘅數量比其他花球款式相對少,綠葉配素多。花球頂部形狀比較隨性凸起,再以絲帶綁成花束。花莖剪成一致、整齊的長度。呢類花球近年唔少韓式婚禮或者田園婚禮都見唔少!唔少新娘子想個花球傳統得嚟又想特別少少,呢個絕對可入選考慮之列!

 

5. 田園式花束

近年大熱戶外證婚,我自己都唔例外,選擇左喺綠油油嘅草地舉行證婚儀式,所以就將姊妹嘅手捧花變成跟環境融合嘅田園式花束。選材用比較多用綠葉,無特定形態同大小。因為故名思義「田園式花球」就想隨心一D,給人休閒、簡約、隨意嘅感覺。姊姊們都非常喜歡!鐘意田園式嘅新人可以好好考慮呢!

撰文:駐場Blogger - 人妻搜記

圖片來源:駐場Blogger - 人妻搜記、網上圖片

【室內外結婚場地】2018香港熱門會所婚宴場地TOP4排名|酒店或酒樓外的婚禮選擇‎

分類: 
婚禮籌備
2018年10月16日 18:04:15

現代的婚禮場地,除了在教堂、酒店、酒樓舉行外,其實有不少新人都渴望於自然的美景下進行浪漫的婚禮,或者類似小法國的草原婚禮,價錢夠大眾化,近年都深受年輕人的歡迎。而這類型的婚禮,在香港大多數在會所場地舉辦,形式上以户外草地雞尾酒會為主,室內也有不同的風格。今次,編輯部綜合新人的評論,話你知全港最高CP值的高質會所婚宴場地。

 

第4位:會所一號 郵輪堤岸 ClubONE

 

新人評價:3,000呎大堂 + 地方偏遠但有接駁巴士

「睇咗九龍東嗰間ClubONE同埋九龍灣嗰間ClubONE,但係覺得兩個場地都唔係咁靚。之後老公話不如順便睇埋郵輪嗰間,點知一睇就覺得好靚,個Reception好大,個場地又好grand。雖然地方係偏遠咗少少,但compare之前睇嗰兩間,我覺得係值得嘅。而且佢有shuttle bus,我覺得方便…」

詳細評論及價錢參考:按此

 

新人評價:CP值高 + 樓底高 + 完善宴會設備

「酒樓可能會令人覺得唔夠高檔次,但酒店預算又太高,所以都係傾向搵會所嗰類場地。上網睇到ClubONE郵輪堤岸都覺得幾鐘意,而且價錢比較公道,加上我家姐之前喺ClubONE德藝會度擺酒,我覺得ClubONE啲嘢食同埋啲人都跟進得OK,所以就無乜再睇其他… ClubONE個screen真係好大,好似電影院入面嗰啲隔離2邊有簾,中間就係好大塊布幕嗰種,嗰度樓底都好高。我睇場嗰時其實都無考慮過,所以到播片嗰時到見到畫面好清,啲音響同聲又正又夠清楚,都好開心!」

詳細評論及價錢參考:按此

 

第3位:one-thirtyone 西貢

 

新人評價: 藍天為證草地婚禮

「One Thirty-One係西貢海邊,有海景又有草地,整體環境好舒服,就決定喺呢度證婚。除咗One Thirty-One,我哋仲租埋隔離樓下個農場夾埋一齊做場地,空間感好夠大…」

詳細評論及價錢參考:按此

 

第2位:四季薈 My season My Day

 

新人評價:本身個場好靚,而且location好方便

「我地一開頭其實都無諗住擺酒,到後來真係要擺嘅時候就想啲地點較方便。之後咁啱搵到My Day,見佢地係新裝修,入面唔需要我地點樣佈置都已經好靚,而且location好方便,地鐵直接去到… 」

詳細評論及價錢參考:按此

 

新人評價:細心照顧(包印囍帖+Live Band+其他配套)

「另外佢地啲配套都盡量配合返我地,佢地本身係包埋律師證婚嘅,但因為我地會去教堂行禮證婚,所以佢地都有幫我地轉返其他服務。佢地都有提供photo booth 呀、餐前小食,咁都好好有額外做多過本身寫嘅3甜3咸,最後都應該有7-8樣食物。同埋佢地都有包埋印帖…出嚟嘅效果都好嘅,亦都有送名牌俾我哋。」

詳細評論及價錢參考:按此

 

第1位:會所一號 科學園 ClubONE on the PARK

 

新人評價: 好滿意!Backdrop唔洗花錢再整過

「佢有個新娘保母嘅妹妹跟住我,都會提我要做啲咩,拎漏咗花球又會幫我,都幾好。作為過來人,我覺得揀場地,自己鍾意真係好緊要,無謂揀個自己唔鍾意嘅。總有啲人係長輩覺得想中式就揀中式,但呢啲其實都係自己嘢,要揀自己鍾意嘅。」

詳細評論及價錢參考:按此

 

新人評價:室內/室外證婚都得!

「我之前去過尼到飲,都幾中意佢地個場地,覺得整個design好好,樓底夠高,地方夠大。加上我地要擺成38圍,都算多,其實香港唔係好多地方可以揀,所以就決定揀尼間ClubONE。佢地嘅staff係事前同我地傾都係有問必答,事前亦都會出哂reminders俾我地跟住去準備…」

詳細評論及價錢參考:按此

圖片來源:相關機構, Simply Serenity Wedding Decoration

撰文:May

【婚禮前必讀】挽救4大尷尬婚禮場面|新娘走光常發生、婚宴聽到司儀講錯嘢...

分類: 
婚禮籌備
2018年10月12日 16:53:35

舉辦一場完美的婚禮,是新人們夢寐以求的事。不過參加過婚宴的各位就知,Big Day 當日預咗少不免會發生小插曲。不想令結婚場面在眾目睽睽之下瞬間尷尬,今次編輯綜合曾經經歷過的黑歷史,講講關於新娘新郎4大婚禮禮儀注意事頂,給你們一劑強心劑!

 

1. 新人酒杯空寥寥

年尾特別多婚禮,編輯最近都有去飲,婚禮上,當新娘和新郎合卺交杯後,再同台下全部賓客敬酒,大家一齊嗌乾杯!點知之後司儀宣佈,請各位賓客再次舉杯,原來係因為新人喺合卺交杯時,隊咗成杯,酒杯空寥寥又無人跟進,當時司儀都無發現到。所以就要重新嚟多次,要賓客再次配合,呢個小甩漏令在坐賓客印象深刻。

 

2. 新娘走光常發生

新娘敬酒的禮服萬萬不可失態,建議視乎場地大細再揀款式。如果場地太細,盡量不要選擇拖尾的敬酒,以方便行走。另一點要注意嘅係禮服小心走光。曾經有男性朋友就話第時結婚,唔會畀老婆著得太性感,只因見過太多次新娘子敬酒時意外走光,尤其是V領Lace,同三姑六婆敬酒鞠躬易失手。近年興著側門大開的婚紗,舉杯飲酒易出事!



3. 拋花球拋得最好睇係…

拋花球嘅相好唔好睇,好講新娘嘅姿勢正唔正確。如果是雙手持花,正確係要將花球放在肚臍的位置,肩膀放鬆,握花嘅手掌彎曲。如果係單手持花,應該以左手拿住花球,右手稍做襯托,給人怡然舒適、自信穩重的感覺。


4. 婚禮司儀易出事

婚禮司儀唔易做,既要壓場又要有氣氛,而且識得收放自如好重要!到嗰日千祈唔好太HIGH,搞到乜都講出口,衝口而出真係覆水難收。例如:「相信大家都等到好肚餓架嘞,我地有請今日嘅主角「乳豬出場」!」、「跟住落嚟就係今晩最重要嘅環節,上菜!!」這些說話令新人情何以堪。錯口講出「下次再與大家見面」,亦可以「補鑊」說是「百日宴」再見。而對參加的賓客也要少講「無謂嘅說話」,例如:「今日開唔開心」、「大家食得飽唔飽」、「啲嘢好唔好食」等,這類問題最好省略不問。

 

撰文:May

圖片來源:網上圖片

【讓結婚加分的3個小細節】 婚禮準備事項 避開地雷和尷尬|一定會出現 Out Of The List 嘅人物

分類: 
婚禮籌備
2018年10月09日 18:37:41

婚禮前一個又一個Excel檔,咩Budget plan呀、To do list呀、當日Rundown、影相list等等...相信新人們已經見慣不怪。但往往幾努力去籌備,大日子總會有意想不到嘅亂子出現!究竟有乜野事我地喺之前可以處理得好啲,令到當日嘅混亂同尷尬可以盡量減低呢?新人們!Check it out!

 

1. Big Day當日,兄弟姊妹無得坐又無得食?

喺大日子前,我已經向酒樓Book定左一圍枱比兄弟姊妹以及化妝師,攝影師等人用Lunch。因為我證婚嘅地點係酒樓附近,所以我喺出門後、入門前,就已經先請部份兄弟姊妹先到酒樓食Lunch,佢哋先嚟先食定嘢,等另一批兄弟姊妹同工作人員嚟到,佢地就去證婚地點幫忙佈置,我諗住「咁精密嘅計劃!仲唔掂?」點之問題就出現喇!!!

當我去到酒樓,就即時畀媽咪話我安排得好差!原來大家都無位坐!事源女家帶埋幾位女家嘅親戚朋友嚟咗,而男家又突然多咗幾位唔識嘅朋友一齊嚟,最後要姊妹即場Book多兩圍先啱啱好夠坐,最慘係伴娘又無得食,除左不停抱歉之外,我都唔知講啲乜....

貼士:

務必喺婚前問清楚哂屋企人究竟幾多個會嚟酒樓一齊食Lunch,原理就好似夜晚擺酒嘅座位表一樣,如果唔係到時你眼望我眼真係尷尬到暈。另外,如果酒樓方便嘅,可預先Order食物,以方便兄弟姊妹及工作人員用餐。

 

2. 敬酒環節,敬極都未敬完?

我知道好多新人都好醒目,喺婚前已經做好敬茶LIST,但往往喺大日子當日,最易出事嘅就係敬茶環節,因為敬茶人物Out Of The List!好似我婚前一日,已經再次同四大長老夾好敬茶List,但喺大婚當日,名單上有名嘅又遲到,無名嘅又因為奶奶突然話要敬老人家,媽咪又話有個長輩買咗金器所以要敬,結果開席時間遲完又遲,同賓客互動嘅時間更加係零。

 

貼士:

不厭其煩地同四大長老夾敬茶名單!禮貌地設定Deadline,請需要敬茶既長輩喺Deadline前完成儀式。請父母同兄弟姊妹或MC好好溝通,如當日知道有Out Of The List長輩一定需要敬茶,就要計算好時間,以免錯失與賓客交流機會,呢個真係一世遺憾嚟㗎!

 

3. 酒席上,點解我無位坐?

座位表對我嚟講,肯定就係搞婚禮最複雜嘅一環!爸爸會話XX親戚又唔可以同ZZ親戚一齊坐,老公又會講A朋友想同B朋友坐... 最後,我喺大日子前用咗2星期砌個座位表出嚟,亦因為我擺酒嘅地方有一個大嘅電子屏幕,我就諗住將座位表電子化,等大家嚟到用手指Touch下就知自己坐邊。點知响我準備Match in嘅時候, 見到堂家姐抱住BB,推住架車企左响Reception同我講話佢無位坐,話原來佢原本坐既位置已經坐爆人,而當時兄弟姊妹又要忙住同我地一齊跳舞Match in,所以無人幫到佢Check。果刻我真係極度唔好意思!後尾我先知原來好多親戚朋友係唔識用屏幕睇,咁岩我地全部人又行開哂,所以大家就隨便坐。

 

貼士:

就算而家好多酒店或者擺酒嘅地方都有提供電子座位表都好,新人們記得一定要印定一個Hard Copy喺Reception!如果入席前嘅高峰時段,點都請最少一個兄弟、姊妹或者兩邊嘅其中一位屋企人長駐Reception,幫忙招呼同帶位!唔好好似我地咁令大家感覺招呼不周!

 

4. 點解你有泊車優惠但我又冇?

我擺酒嘅酒店有免費泊車優惠,總共36個鐘,其實我同老公事前已經分別問咗男女主家有幾多人會揸車嚟,分別安排幾多個鐘。喺結婚當晚,我地亦安排咗兄弟姊妹逐圍問邊位賓客有揸車,係散席前就派發泊車卷,但係可能大家果晚太開心,一知道有免費泊車就一窩蜂衝向兄弟姊妹度拎,根本係完全唔夠分!而奶奶最後唔想得失賓客,亦自己比錢出嚟包咗其他客人嘅車費。

 

貼士:

我覺得呢啲情況真係比較尷尬,畀又唔係、唔畀又唔係,所以大家一定要揸緊自己嘅底線,只派比兩家事前默許咗嘅人,其他唯有禮貌地解釋車卷已派完!如果唔係,大家真係多多都唔夠畀!

撰文:駐場Blogger - 人妻搜記

圖片來源:駐場Blogger - 人妻搜記

【買婚戒送餅卡🎁✨身分證號碼定多寡😍婚享會 Bespoke Wedding 「5」週年🎉送東海堂餅卡🍰】

分類: 
婚禮籌備
2018年10月13日 18:41:05

買婚戒送餅卡,身分證號碼定多寡!

今個 10 月,為了慶祝 婚享會 Bespoke Wedding 踏入 5 週年的盛事,今次很榮幸能與長期備受新人愛戴的鑽飾商户榜首——日本最大規模鑽石婚戒專門品牌 I-PRIMO 合作,推出萬眾矚目新人專享 I-PRIMO x 婚享會 Bespoke Wedding「禮遇天成・身份為證 」婚嫁感謝祭。作為本平台5 週年之重頭盛事,送上之賀禮絕對有別於平日婚展的優惠,婚享會 Bespoke Wedding 特意為準備結婚的新人送上囍帖必用的婚慶禮餅券,由身份證號碼的大小決定您婚禮所節省的花費,絕對是近期婚慶界中最震撼之回饋禮遇!

 

參加方法:按此優先登記預約來店

顧客凡透過 婚享會 Bespoke Wedding 平台預約登記出席 I-PRIMO 於10 月 20 日(星期六)及 21 日(星期日)之「禮遇天成・身份為證 」婚嫁感謝祭,除了可享有優惠價,即場選購鑽戒、結婚對戒之顧客,更可獲由 婚享會 Bespoke Wedding 送出,相等於新人身份證號碼中最大 5 個數字總和( *括號內之數字除外 )之 東海堂 港幣 $50 禮餅券。

例如:身份證號碼為 X987654(A) 的朋友,便可獲得 9+8+7+6+5=35張 東海堂$50禮餅劵!

✨此優先禮遇只限 2 天,準備結婚的新人,萬勿錯過!✨

 

I-PRIMO x 婚享會 Bespoke Wedding

「禮遇天成・身份為證 」婚嫁感謝祭詳情:

日期:10 月 20 日(星期六)及 21 日(星期日)

地點:香港 I-PRIMO 全線分店

 

關於 I-PRIMO 品牌簡介

日本最大規模鑽石婚戒專門品牌 I-PRIMO 堅持每只結婚戒指皆在日本專屬訂製延,從材質到作工堅持高品質,精湛作工完成高質感配戴舒適性,受香港新人們喜愛。專人嚴選鑽石,度身訂做的結婚閃耀鑽戒,情定幸福璀璨的挚愛。貼心的完整售後服務,令您們安心配戴一輩子。

關於 I-PRIMO結婚對戒 / 鑽戒系列

專業的 I-PRIMO 諮詢師竭誠提供熱忱服務,誠意協助挑新人選出一生一次最適合彼此的命運婚戒。在神話及星座故事的幸福寓意至 150 款的戒款中,將二人的愛情緊繫於無名指間,祝福著互許終身的愛侶們,幸福甜蜜,一生相隨。

*條款及細則:

  1. I-PRIMO X 婚享會 Bespoke Wedding「禮遇天成・身份為證 」婚嫁感謝祭的舉辦日期是 10 月 20 至 21 日,於香港 I-PRIMO全線分店舉行。
  2. 婚享會 Bespoke Wedding 網上預約登記的日期由 10 月 13 日起至 10 月 19 日下午 11 時 59 分止。
  3. 婚享會 Bespoke Wedding 的客户服務部專員將會於登記後聯絡已登記之參加者,預訂當日的特定時段和分店。
  4. 沒有預先在網上登記的客人,仍可在 10 月 20 至 21 日直接到香港 I-PRIMO 全線分店參加此活動。若當日參加人數眾多,煩請耐心等候。惟仍需要注意活動當日,店家可能未必有充裕的人手應付龐大的人流,若因此令沒有預先在網上登記的客人錯失此優惠,I-PRIMO 及 婚享會 Bespoke Wedding 一概不負責任。
  5. 此優惠適用於 I-PRIMO x 婚享會 Bespoke Wedding「禮遇天成・身份為證 」婚嫁感謝祭 之所有參加者,客人參加此次優惠活動的次數不設上限,每張收據只限使用一張身份證以兌換禮餅卡。
  6. 若東海堂港幣 $50 的禮餅券的貨物供求出現短缺,婚享會 Bespoke Wedding 有機會以同等市值的禮券代替。
  7. 所有優惠不得兌換成現金。
  8. 所有優惠券的換領日期是由 2018 年 11 月 1 日至12月21日,將會由 婚享會 Bespoke Wedding 的客户服務專員個別通知客人有關換領安排,客人需憑換領信到 婚享會 Bespoke Wedding 公司親身領取。
  9. 此活動由 婚享會 Bespoke Wedding ( “本公司” )主辦,唯 婚享會 Bespoke Wedding 並非「 I-PRIMO 鑽戒、結婚對戒 」之供應商戶( 有關商戶 ),本公司概不就有關商戶所提供之產品或服務作出任何保證,或對於使用其服務或產品所構成之後果負責。如對於「 I-PRIMO 鑽戒、結婚對戒 」有任何查詢或意見,請直接與有關商戶聯絡。
  10. 如有任何關於此活動之爭議,婚享會 Bespoke Wedding 及  I-PRIMO  保留最終決定權,並有權修改此活動條款及細則,而不作另行通知。
  11. 個人資料收集聲明:所有參與此活動人士同意,於表格中就參加 “ I-PRIMO x 婚享會 Bespoke Wedding「禮遇天成・身份為證 」婚嫁感謝祭 ” 活動,所收集的個人資料將會轉交至 I-PRIMO。有關個人資料可能被用作處理參加者的要求或查詢、執行商務交易上的條款、向參加者傳送行政資料、用於內部業務和行政目的,或法律、安全或保安目的。參加者需要就必須填寫的欄目提供個人資料。如有關個人資料未能提供,參加者的要求或查詢可能無法被處理。個人資料可被移交給參與履行上述目的的第三方、或法律要求的其他人士。參加者可於( https://www.iprimo.hk/privacy/ )參閱個人資料承讓人類別名單及條款。參加者可以要求存取或要求修改 I-PRIMO 管有的該參加者的個人資料,請透過電郵至( https://www.iprimo.hk/privacy/ )I-PRIMO 個人資料經理以遞交此等要求。
  12. I-PRIMO x 婚享會 Bespoke Wedding「禮遇天成・身份為證 」婚嫁感謝祭 的優惠日期截至 2018 年 10 月 21 日,I-PRIMO 及 婚享會 Bespoke Wedding 會保留最終決定權,此推廣活動受條款及細則約束。

【租婚紗必讀】2018香港3大高質婚紗舖|唔好信facebook圖、平價落單伏味濃

2018年10月05日 20:00:56

香港寸金尺土,準新娘的禮服常以租借為主,畢竟只適用於大婚當日,而且靚婚紗價值昂貴又佔空間,所以坊間有很多林林總總的婚紗禮服租借公司。不過近年發生了很多租婚紗的騙案,例如:行婚紗展見到平價就落單,殊不知該店過一陣就倒閉,追討無期。更多人中招的是店家條款不清,陷阱處處!一生人一次嘅婚禮,一件靚嘅婚紗令你事半功倍,無理由因為一件婚紗令新娘結婚結到一肚氣,編輯整合了新娘們的綜合評價,精選了本港3大高質婚紗鋪。

 

第3位:Alisha & Lace Hong Kong

 

新人評價:唔好貪平!呢間高質之選

「我其實一路都有睇好多唔同舖頭,不過真係上過去嘅就有三間,其中一間喺中環好似叫karl,比較仙女feel啲嘅,不過上到去同睇facebook係兩回事。佢哋嘅衫係平,但係上到去好似金都feel,但係我係要靚唔係要平,上到去睇咗一兩件就走咗。

上到去Alisha & Lace舖面覺得好舒服,好有私隱度。因為佢係每次最多都係接待兩pair人,所以佢個感覺係對客好好service,好專心咁幫你…」

詳細評論及價錢參考:按此

 

新人評價:醫返好我嘅選擇困難症!

「其實我都有睇過好多其他公司,都揀到好苦惱,因為其實每個女仔心目中都有自己覺得著得靚嘅衫,但去到試總係又覺得唔係嗰個感覺,無自己想像中咁好睇。不過去到Alisha試衫,佢哋啲裙真係令人著得好好睇,本來我完過冇諗過自己會著魚尾裙,但我去到試完真係出乎意料之外咁靚…」

詳細評論及價錢參考:按此

 

第2位:Cang-ai Wedding 藏愛婚紗

 

新人評價:口碑之選!唔會老屈人畀錢

「都係上網見到口碑唔錯所以上去睇… 而件婚紗本身試都ok,但可能final fitting個裁縫師可能經驗問題,去到big day個日個pad嗰度就成日走位,最後我都轉左幾次款,但佢都無話收我extra錢…」

詳細評論及價錢參考:按此

 

新人評價:帶埋媽咪去租

「上到去覺得佢D款式都啱自己心水,佢D款式都好多,多到我唔識揀!我喺度租左婚紗,2套晚裝,媽咪衫都喺度租…」

詳細評論及價錢參考:按此

 

第1位:Mayona Wedding Bouutique

 

新人評價:一次過租十件衫

「一次過租十件衫,有婚紗、晚裝、媽媽衫同男禮。媽媽衫唔太多款,我諗因為唔係佢哋嘅主打,但係啲款對於媽媽尼講都算新潮。男禮我哋就主要講咗budget同要求,佢哋就幫我地揀好,我哋都好快決定好。至於婚紗同晚裝,我覺得佢哋啲婚紗真係靚,不過…」

詳細評論及價錢參考:按此

 

新人評價:一次過滿足晒3個女人的好地方

佢唔係只係講D好聽嘅野氹你開心,而係會俾好中肯意見,又會俾我不斷試,幫我揀到啱嘅衫。仲記得第一次去試婚紗,因為我同媽咪一齊去,著住條裙出尼真係有好感動想喊嘅感覺...

詳細評論及價錢參考:按此

圖片來源:相關機構

撰文:May

【婚紗攻略】新娘選婚紗要注意7件事|網購小心地獄級婚紗、要保守還是性感款式好?

分類: 
婚禮籌備
2018年10月04日 17:26:22

對於一生人次嘅嫁衣,好多姊妹都非常努力去匀港島、九龍、新界去開啓「尋找THE ONE之路」,亦有唔少新娘子做定功課,上網搵外國模特兒著得好靚嘅婚紗比婚紗鋪職員講「想試下」。首先,雖知道每間婚紗鋪都有「非常稀有」既Free Trial,所以點樣可以慳時間、慳Quota地一撃即中?即睇以下幾招,學識7大揀選「夢幻嫁衣」貼士!

 

依身型選婚紗:

一般揀婚紗,普遍大家都會留意婚紗嘅款色靚唔靚、著出嚟顯唔顯肥,但其實有4大位置係要重點注意!!

 

1. 頸部長比例與婚紗領型

每次試裙,大家除左要FOCUS ON條裙靚唔靚之外,亦都要留意下條頸同條裙嘅比例。好似條頸比較長,款色上就可以揀一啲企領或者相對高領嘅GOWN,而頸部比較短嘅新娘子就可以揀V領或者LOW CUT款式,咁望上去頸部就有拉長嘅效果喇。

 

2. 一個細節防胸部走光

好多新娘子BIG DAY當日,都想盡情展現自己嘅迷人身段,所以買落不少Push Up Bra,不過真係好易走光。我曾經有朋友想著Low cut,但心口冇咩肉,再加上Nude bra又易甩,搞到佢Big day當日為咗防止走光,全程用手按住心口,睇到都覺得麻煩呢… 姊妹們,如果想突出胸部線條又防走光,記得喺揀婚紗時,選擇一啲胸口有設計嘅款式,例如:流蘇元素、比較拋一啲。相反胸口比較豐滿嘅新娘子,就可以揀V領、低腰、線條簡潔嘅婚紗。

 

3. 想胸部以下都是腿?細選婚紗裙尾擺

42吋長腿當然就可以選擇見到美腿嘅短裙款啦!不過如果腳比較短嘅話,就可以揀一啲拖尾長裙,再加埋高跟鞋,雙腳睇落去就會長啲。另外,好似我雙腳傾向比較粗嘅話,就可以揀長裙,婚紗腰線高嘅款色啲,咁遠望落去,就有拉長嘅效果喇!韓式婚紗 / 腰線較高款都不錯呢!

 

4. 修手臂嘅重要性

我有一位朋友,因為自細有啲肉地,而手臂亦有「拜拜肉」問題,所以佢揀婚紗嘅時候就專揀長袖款,希望遮到就盡量遮。但結果婚禮當日佢就揀左一件白花長袖,仲係貼手臂嘅復古婚紗著!咁就出問題喇!因為白色係淺色,淺色視覺上會偏肥,如果仲要貼身,豈不是自暴其短?所以如果要修飾手臂,揀款時可以傾向公主袖或者比較拋少少嘅仙氣袖子,望上去睇落唔會粗之餘,亦可以提升可愛感。而比較瘦嘅朋友仔如果驚骨感太顯,加一件小披肩隨左右,即可分散視力,亦可成為一大特色呢!

 

婚紗裙要配合場地佈置

 

5. 輕鬆/簡約派

近年草地、田園主題婚禮大熱,唔少新人都鍾意喺戶外證婚,同賓客輕鬆互動。但往往新娘子又鍾意著長拖尾婚紗,儼如公般高貴出嫁,咁樣就好有機會將透薄既裙擺拖爛!其實要喺戶外舉行婚禮,可以選擇嘅款色都可以偏向方便走動同可愛一啲。例如:中長度款色(Tea Length)、A字裙款色(A-Line)。

 

6. 隆重/性感派

而選擇喺教堂行禮嘅新人,婚紗款式當然可以隆重一啲,例如:公主式散裙(Ball Gown)、喇叭裙(Trumpet),大拖尾亦相當適宜!諗住同親朋好友喺酒會盡情狂歡,新娘子就可以揀一D性感少少嘅款,例如:魚尾裙(Mermaid)或者直筒裙(Column)。

 

7. 入手婚紗定網購好啲?

喺外國,通常婚紗只會喺BIG DAY當日先著,但喺香港,新人又要影PRE WEDDING,仲要分分鐘唔止一輯,所以好多新娘子都網購婚紗代替租,實行「一雞兩味」,平買平著。由PRE WEDDING著到WEDDING DAY!不過記得留意返,網購嘅婚紗剪裁好大機會同自己身型完全唔夾,最常見就係胸部錯位置,導至著出嚟大細胸。另外顏色上可能出現偏差,如果想留到大日子著,真係要小心考慮清楚先買。

 

撰文:駐場Blogger - 人妻搜記

圖片來源:駐場Blogger - 人妻搜記、明星發相

【過大禮懶人包】男家女家過大禮物資清單|完整流程+禁忌

分類: 
婚禮籌備
2018年10月03日 17:10:56

過大禮準備

1. 擇日(婚前14-60日內)

2. 準備禮金

3. 男家準備過大禮聘禮(物品數量要雙數)

4. 女家準備過大禮回禮

5. 男方尋找親友幫手過大禮當天送禮到女家

 

過大禮流程

1. 新郎反男家親友,將所有物資送到新娘家樓下,新娘父母及女家親友在好家等候

2. 男家親友將物資送到女家家門,新郎在樓下

3. 新娘父母出門迎接,接受禮金,與男家親友一起入屋

4. 男家親友將物資逐一送上,送禮同時說吉祥寓意

5. 新郎尾隨親友及聘禮入屋

6. 女家將回禮送回男家

7. 禮成

注意:過大禮時,新郎及新娘記得要避席呀!

 

男家過大禮物資

男家預先將過大禮物資分兩份,方便女家回禮時取一半。

中式婚餅店設木禮盒租借。

1. 海味

2. 椰子,必須已發芽(喻意「有爺有子」

3. 禮金盒

4. 檳榔(喻意「一朗到尾

5. 包羅萬有利是(包含新人不想買的部份聘禮,如:三牲、活魚、椰子、檳椰等)

6. 龍鳳燭(喻意「心心相印

7. 對聯

8. 茶葉(喻意「忠貞不二

9. 酒(喻意「吉祥喜慶

10. 生果(喻意「生生猛猛

11. 唐餅(喻意「喜慶

12. 龍鳳對餅(喻意「龍鳳呈祥

      -橙綾酥(喻意「富貴吉祥

      -紅綾酥(喻意「鴻運當頭

      -白綾酥(喻意「白頭偕老

      -合桃酥(喻意「夫妻和合

13. 囍餅(喻意「新娘福氣,新娘不可吃過大禮囍餅

14. 西餅(喻意「步步高陞

15. 金器

16. 禮金大利是

 

女家過大禮物資

1. 男家過大禮的一半聘禮

2. 長褲、鞋、皮帶、銀包(現今多以女婿禮金利是代替)

3. 吉祥植物, 如:蓮藕、石榴、四季桔、發財芋、添丁薑、扁柏(用利是封袋好,放入雪櫃,留待上頭時用)、芺蓉、柚葉

回茶禮、大發、鬆糕、煎堆、利是糖

 

過大禮水果禁忌

要避開諧音不吉利的生果。

1. 橙=慘

2. 梨=離

3. 芒果=亡

4. 香蕉=死

 

過大禮禮金盒

要有禮金支票(宜放現金,方便女家回禮)

青褸、合桃、紅豆、蓮子、扁柏、綠豆、紅棗、紅頭繩、龍眼乾、百合、芝蔴、花生、荔枝乾

 

新娘有未婚兄弟姊妹

送上舅父褲、舅仔鞋、婊仔裙,不過現今多以寫上「舅父褲舅仔鞋婊仔裙的利是代替。

 

圖片來源:網上圖片、Ivan Wong

撰文:May

【結婚擺酒場地】2018酒店婚宴場地 TOP5 排名|新人解構五星級婚宴場地

分類: 
婚禮籌備
2018年10月02日 18:17:10

結婚擺酒,設宴款待親朋戚友,幾乎係每對新人籌備結婚中不可缺少。相信大家都知道,香港人結婚的開支中,酒席所佔嘅開支係最重,而且喺酒店擺酒係熱門之選,華麗水晶吊燈,顯得婚禮格調高雅。若想花錢花得精明,避免訂酒席「中伏」嘅機會,就要睇吓編輯精選嘅最新酒店婚宴場地名單,全部根據新人評分,為準備酒席的新人提供參考。

 

第5位:海景嘉福州際酒店 InterContinental Grand Stanford Hong Kong

 

新人評價:由出門到Big Day當日都好幫得手!

「因為我都係佢地度出門,前一晚喺酒店住佢地送咗朱古力同香檳俾我地~跪墊同出門要用個啲野,佢地都借哂俾我地,真係好幫到手,唔使我地再安排。我地出門嘅時候有灑米,佢地都好好,話唔影響到其他人都可以,唔會話怕我地整污糟啲地方。咁啱嗰朝我出門嘅時候都有另一對新人出門,我見佢地都安排得好好,分得好清楚,完全唔會亂… 」

詳細評論及價錢參考:按此

新人評價:食物同服務質素同價錢成正比

「主要因為佢地嘅食物質素同埋場地。
食物質素方面,因為我之前都同朋友係度食過野,都覺得幾好,加埋上網睇到comments都係唔錯,所以都幾有信心。
而場地嗰邊,因為我地擺嘅圍數唔算多,16圍,對於佢地嘅場地大小都算適合,而且地點都方便… 」

詳細評論及價錢參考:按此

 

第4位:香港金域假日酒店 Holiday Inn Golden Mile Hong Kong

 

新人評價:好多親戚朋友都讚好,呢個價錢得到呢個服務已經超值!

「其實我睇咗好多間唔同嘅酒席,其中有啲負責酒席嘅員工對婚禮流程根本唔熟悉,真係愈傾愈唔對路…佢哋嘅服務態度真係好好,無論係其他部門嘅同事,定係big day當日幫我嘅同事,甚至係妹妹都好好,feel到佢哋唔係想交貨咁簡單,而係好有熱誠,好想做好成件事…」

詳細評論及價錢參考:按此

新人評價:個場無柱同夠高,食物高質

「其實成個過程都好smooth,D staff都好幫得手。當日最後送客個時,大家都反應D食物質素幾好。員工更將D嘢食re-heat完送上房比我地食,所以感覺非常好… 」

詳細評論及價錢參考:按此

 

第3位:The Mira Hong Kong

 

新人評價:六合彩直播都做到

「我哋覺得嗰度地方夠大,裝修又同其他酒店唔同,除咗我哋一對新人之後,啲賓客影相應該都配合到。到婚宴嗰日果然見到好多朋友喺場地度自拍都玩得好開心。雖然ballroom裡面比較暗(台係夠光),但都有好多地方可以俾啲guest自己去拍照留念,而且我覺得啲相影出黎都幾靚…」

詳細評論及價錢參考:按此

新人評價:半年搞掂婚禮

「由我先生求婚起到我哋擺酒都只係半年嘅時間左右,地點方面我哋好早就鎖定咗尖沙咀,不論搭車或者揸車都好方便。去睇過場個感覺都適合。我覺得Mira最吸引嘅地方就係Ballroom樓底高,入到去感覺舒服,唔會有壓逼感。雖然夜晚佢哋會落晒窗簾,但係始終我都知佢有窗,感覺唔會咁焗促…」

詳細評論及價錢參考:按此

 

第2位:唯港薈 Hotel ICON

 

新人評價: Poly 舊生+去婚展落訂更優惠!

「我就話我哋係 Poly 舊生,問佢會唔會有多啲優惠,佢話都有,不過點都唔夠婚展多㗎喇,Emmy佢叫我哋 hold 住唔好俾訂住,話如果我哋遲啲等婚展俾訂會再優惠啲,再送多啲嘢俾我哋!負責安排我地睇場嘅同事Emmy真係好好,講解得好清楚,而個ballroom 無柱位有咁靚,我哋都決定俾訂…」

詳細評論及價錢參考:按此

新人評價:唔揀Langham揀Hotel ICON

「最初我哋揀地點擺酒,比較過尖東兩、三間酒店,shortlist到Langham同埋Hotel Icon,最後都覺得係Hotel Icon最好。其實當時Langham個package係提供晒backdrop,candy bar,decoration等等,同我哋傾嗰時好多嘢都幫我哋諗咗,唔洗我哋煩。不過最後冇揀係因為我哋有去Langham飲過,覺得個image好似Hotel Icon啱我哋多啲,因為Langham係一個好傳統好secure嘅婚宴場哋,但係Hotel Icon環境比較新同感覺開揚啲新,成個design,色tone各樣嘢都modern 啲,而且因為Icon係教學酒店,我覺得都可以contribute返,所以最後就決定咗搵佢哋…」

詳細評論及價錢參考:按此

 

第1位:香港迪士尼樂園 Hong Kong Disneyland Hotel

 

新人評價:難忘夢幻婚禮!迪士尼都話有人嚟做管弦樂都係第一次

「當時我哋仲有考慮Ritz Carlton、Shangri-La 等等,但因為檔期問題、樓底又矮、又擺唔到我哋想要嘅圍數,所以都係揀迪士尼。當時幫我哋嘅sales叫Carmen,冇hard sell我哋咩嘢,反而係我哋好多要求,例如我哋搵咗個30幾人既orchestra過去,佢都會幫我哋同個manager爭取。有三個floor,佢upgrade咗我哋唔洗用曬minimum charge個錢,本身去最大個房要78萬,佢就50幾萬都比我哋係嗰度擺,因為見到我哋好犀利,啲嘢好靚,佢就想擺位係最好嘅,所以比我哋最大嘅ballroom。我哋想march in背景音樂喺live,所以請咗香港業餘管弦樂團,都會出去表演嗰啲嚟嘅。我哋本身都係做event,想一世人難忘啲,所以捨得花費啲去買個難忘嘅經歷…」

詳細評論及價錢參考:按此

新人評價:一踏入去Ballroom 果一刻,我就同自己講「係呢度啦」 

「坦白講,迪士尼當初並唔係我嘅首選,原因係地點真係比較遠,唔夠方便親戚朋友去飲,所以一開始時去睇左好多間其他酒店,幸好有睇過其他酒店,有比較之下,發現迪士尼真係做得好好,夢幻甜蜜嘅感覺,正正係我想要嘅嘢…

Big Day 前一個月,發生左「棚架」事件,老實講,唔傷心就假,當時Yanis 每日都打俾我地,細心解釋講返公司每日開會嘅進度,強調公司已經諗緊辦法處理,叫我地唔好擔心,大概一星期之後,收到回覆,酒店方面會加派人手趕工,預計我結婚前幾日就可以拆晒所有棚架,而事實上我結婚當日真係見唔到任何一個棚架,係呢件事上面,見到酒店方面有盡力去解決問題,並無推卸責任,所以都可以接受既...」

詳細評論及價錢參考:按此

圖片來源:Bespoke Wedding 新人評論

撰文:May

【新郎結婚禮服】男禮服5大攻略 | 告別黑白灰款式!莊嚴和「娘」味只係一線之差...

分類: 
婚禮籌備
2018年09月24日 12:45:54

唔準諗,即刻答,十個新郎哥十套西裝乜嘢顏色多? 我相信大家都係答「黑」。點樣可以喺一眾都係著黑色西裝嘅兄弟、酒店部長同賓客入面突出自己係主角? 唔使認錯人咁尷尬!?唔使用劍嘅!今日教大家喺顏色、身型、身高、款色同場地,只要一個決定,就可以成為耀眼主角!

 

01. 身型、身高:小心顯肥!

結婚呢個大日子,莫講講女士,其實男士都一樣會做運動keep fit,但往往披左件西裝褸之後,個人就好似縮細左一個圈咁,所以揀男禮就要好小心喇!身型比較有肉地嘅男士,盡量唔好著啲比較鮮色嘅西裝,例如係紅色、黃色,因為鮮色會令人視覺上望落橫啲。但相反瘦底嘅男士就唔好揀啲相對貼身嘅款色,如果唔係視覺上就好易變成竹籤,分分鐘瘦過新娘子就唔好睇喇。另外矮細嘅男士要留意,我老公當時就係因為貪靚,揀左蝙蝠袖,諗住好型成個賭神咁,點知影相出黎就矮左成個頭,真係慘慘豬… 所以揀男禮絕對要睇住自己嘅身型去配合咁先Good Fit 㗎!

 

02. 顏色、款色:告別黑白灰!

「黑、白、灰」我自己平時都著唔少!但大日子又要型又要突出,係時候要拋開呢啲沉悶嘅顏色喇!其實近年大吹韓風同英倫風,顏色上嘅選擇已經愈嚟愈多。好似同黑色一樣咁穩陣嘅深藍色配襯卡其色褲,充滿外國風情嘅百搭啡色配灰色。

有喜慶感覺,又唔會俗套嘅酒紅色,都係搶眼嘅配搭。

款色嘅選擇方面,男禮已經進化到好多Details,等人一望就注視到新郎哥。例如:質地上,個人推薦女性常用嘅布料,佢地嘅精緻度同Details都比男性布料多選擇,唔再局限於斜間或暗紋。而婚期喺年尾呢啲結婚旺季,襯天氣涼涼地,就可以選擇相對厚身少少嘅針織馬夾,而格仔紋嘅西裝亦係經典款式呢!

 

03. 小配件:造型小亮點

另外小配件亦不容忽視,好似煲呔、領巾、呔夾同帽,多個吸睛位亦唔太浮誇。我老公呢件BIG DAY西裝雖然係黑色,但佢分別用上唔同嘅布料去做配搭,新潮之餘亦喺膊頭上加入一隻小天鵝裝飾,呃到唔少LIKE呢!

 

04. 場合

顏色、款色揀好之後,唔好以為就萬無一失。因為配襯場地亦都係非常重要,例如:你唔會選擇著住尾燕服喺沙灘證婚一樣,避免「對的衣服,遇著錯的場地」! 新郎們,記緊以下TIPS呀!

 

A. 田園風 – 近年大熱主題

因為處身大自然,所以新郎哥可以選擇一啲相對輕鬆同淺色嘅西裝配搭。而下身亦可以配襯淨色波鞋,輕鬆自然咁享受樹木同綠草嘅清新氣息。

 

B. 教堂式

神聖同莊嚴嘅教堂係唔少新娘子自幼幻想嘅結婚地點,所以新郎可以揀一啲比較斯文同莊重嘅款式。如:燕尾服、韓式禮服亦相對適宜。

 

C. 酒會式

彷似身處外國場地嘅酒會,近年深受唔少新人嘅喜愛。輕輕鬆鬆同最愛嘅親朋好友狂歡傾計,所以禮服上面嘅元素就可以傾向英倫風嘅Casual wear,甚至可以玩味感重一啲!

 

05. 循環再用

講到呢到,就算揀幾靚幾突出嘅西裝都係結婚當日用,好多男士都會拋出一句:「之後都用唔番,唔使搞咁多野啦,簡單咪得囉!」有見及此,而家好多鋪頭設有修改禮服嘅服務。只要新郎哥係訂造西裝前,同負責人講想件禮服日後著得番,佢地就會將恤衫預先加一啲鈕扣,方便完婚後將禮服嘅蘋果領改為活動領。若果你著日式燕尾服,日後亦都可將後面的剪裁裁返短,咁就唔會做成浪費喇!

撰文:駐場Blogger - 人妻搜記

圖片來源:駐場Blogger - 人妻搜記、明星發相

頁面

文章存檔

2018
【婚禮花球攻略】從身型/禮服配襯花球|最新花球推介:身材嬌小千祈唔好揀…
【室內外結婚場地】2018香港熱門會所婚宴場地TOP4排名|酒店或酒樓外的婚禮選擇‎
【買婚戒送餅卡🎁✨身分證號碼定多寡😍婚享會 Bespoke Wedding 「5」週年🎉送東海堂餅卡🍰】
【婚禮前必讀】挽救4大尷尬婚禮場面|新娘走光常發生、婚宴聽到司儀講錯嘢...
【讓結婚加分的3個小細節】 婚禮準備事項 避開地雷和尷尬|一定會出現 Out Of The List 嘅人物
【租婚紗必讀】2018香港3大高質婚紗舖|唔好信facebook圖、平價落單伏味濃
【婚紗攻略】新娘選婚紗要注意7件事|網購小心地獄級婚紗、要保守還是性感款式好?
【過大禮懶人包】男家女家過大禮物資清單|完整流程+禁忌
【結婚擺酒場地】2018酒店婚宴場地 TOP5 排名|新人解構五星級婚宴場地
【新郎結婚禮服】男禮服5大攻略 | 告別黑白灰款式!莊嚴和「娘」味只係一線之差...
【婚禮當日攝影】2018香港婚禮攝影TOP 4排名 | 新人真實評語:唔好貪平,最高質係…
【浪漫蜜月/婚攝勝地】馬爾代夫平酒店推介|最平每人HK$400/一晚享受奢華美景
【💝參加「MERRYME 夢想婚宴諮詢日」💕送您“限量版MERRYME曲奇”乙盒💕】
【裙褂出嫁懶人包】新娘必讀4大貼士|唔識襯裙褂隨時變大媽
【明星婚禮回禮】頂級護膚品以外,金莎朱古力都有…
【婚後仍是熱戀期】宋仲基把宋慧喬寵到上天|大爆寵妻日常5招!
【戒指戴法意思全公開】不只「 追、求、訂、結、離」|原來戒指戴在尾指防小人!?
【婚紗禮服攻略】新娘、伴娘、出席賓客都啱睇!身型VS剪裁 |全城大熱這樣穿即瘦5kg婚紗!
【 Eaton HK 逸東酒店 WEDDING WITH IMPACT Bridal Showcase】婚宴最新4大優惠 訂購酒席送鑽戒+買10席送1席優惠
【Eaton 9月16日Bridal Showcase限定優惠】籌備婚禮18樣優惠率先睇!
【2018人情價位】結婚擺酒 / Cocktail Party / 百日宴 / 壽宴人情公價|3個人情禮儀
【香港bridal shower】10間婚前派對場地及伴娘聚會地
【新娘婚紗潮流】完美新娘必讀 7款大熱婚紗
【婚紗對婚攝的重要性】盤點新娘9款婚紗裙款與攝影構圖Mix & Match!
【兄弟姊妹團必讀大全】每個成功婚禮的背後 都有一班好兄弟好姊妹!
【金器配襯必修課】阿嬌演繹英皇珠寶 最新中式足金婚嫁珠寶系列
【2018香港婚宴場地大比拼 酒店篇】酒席價格+新人評價+場地資料
【婚禮籌備懶人包】結婚籌備步驟checklist (倒數1年)
【完美婚紗相】打破鏡頭恐慌症!5招教新娘輕鬆影出靚相
【我最好的姊妹團不能穿得隨便】4個秘訣 揀出最適合的婚禮伴娘服
【不同身型的女仔揀婚紗全攻略】7種身材穿婚紗的Do & Don’t + 款式推薦!
【老夫老妻境界】熱戀期過後,5種跡象告訴你:「這是持久的愛情!」
【人妻不易做】婚姻戀愛大不同!婚前的4大覺悟!
【香港浪漫餐廳】10間拍拖約會/慶祝紀念日餐廳
【2018人情公價參考】酒店、酒樓、午宴應俾幾多?「公價 5 嚿」已成過去式!
【我的婚禮我作主】如何分辨真實的評論?想睇真評一定要知的殘酷事實…
【婚攝要留意】「婚紗攝影」VS「婚禮攝影」的4大差異!
【婚前輔導】愛情,是需要培養的,而不只是一種感覺
【婚禮籌備懶人包】婚禮籌備攻略:由場地、婚攝、婚禮儀式時間表
「真愛是不受年齡限制!」盤點5對恩愛老夫少妻
打造浪漫氣氛必備 盤點10首中外經典求婚金曲
婚宴嘅甜品可以有幾靚?婚享會 Bespoke Wedding請你優先品嚐The Mira Hong Kong最新婚宴唯美甜點!
甜密放閃 江若琳:在世界上找到另一個自己
【婚FUN節2018】勁爆著數優惠速遞#4 - 指定珠寶首飾低至半價 回禮物品高達88折!!
【婚FUN節2018】勁爆著數優惠速遞#3 - 指定消費送Candy Corner 場地布置即減1千!!
【婚FUN節2018】勁爆著數優惠速遞#2 - 預訂婚宴送香檳 晚宴統籌照價85折!!
【婚FUN節2018】勁爆著數優惠速遞#1 - 指定婚紗攝影套餐 展場加送機票、住宿、鑽戒!!
一年一度嘅婚FUN節又嚟喇!
【結完婚啲用品點處理好?】
2018 Violet「嫁」到 紫氣帶來滿滿的幸福感
陽光海灘 不只⾺爾代夫 5個不能錯過的蜜⽉勝地
旅蛙帶路!另類日本婚照之選
2018 Violet「嫁」到 當個時尚紫色新娘
💍Bespoke Wedding 婚享會 2018 大派 $2,000 攝影大利是!!💞
10-12月
7-9月
4-6月
1-3月
2017
10-12月
7-9月
4-6月
1-3月
2016
10-12月
7-9月
4-6月
1-3月
2015
10-12月
7-9月
4-6月
1-3月
2014
10-12月
7-9月
4-6月
1-3月